Milan ka lënë ti iki nga duart një fitore e shkëlqyer në "San paolo" përballë Napolit në ndeshjen e javës së dytë të Serisë A. Kuqezinjtë u mundën me rezultatin 3-2 nga vendasit, edhe pse ishin në një avantazh të dyfishtë.
Milanistët shënuan të parët me anë të Bonaventurës në minutën e 15-të, ndërkohë që në fillim të fraksionit të dytë, ekipi i drejtuar nga Gatuzo shënoi përsëri me anë të Kaldaras. Kjo gjë bëri që sfida të dukej sikur merrte një drejtim në favor të ekipit nga Milano, por Napoli i Ançelotit nuk u dorëzua.
Vendasit arritën fillimisht të ngushtonin rezultatin me anë të Zielinski, i cili më pas edhe barazoi në minutën e 67-të duke rihapur gjithçka. Ishte Mertens ai që në minutën e 80-të vulosi një përmbysje të madhe të Napolit, që merr kështu tre-pikëshin e rradhës pas atij kundër Lazios në javën e parë.
Lexo gjithashtu
