Mici qëndron te Kukësi, por…

Mbrojtësi i majtë i Kukësit, Gledi Mici, duket se po bindet nga klubi verilindor që të qëndrojë edhe këtë sezon në skuadër.

Para disa ditësh Mici bëri ankimim në FSHF për prishje të kontratës dhe palëve iu dha 7 ditë kohë për të zgjidhur mosmarrëveshjen me njëri-tjetrin, ndryshe më pas vendimi do i takojë Dhomës së Zgjidhjes së Konflikteve.

Kukësi është hedhur menjëherë në sulm këto 7 ditë që të bindë futbollistin të tërhiqet duke i plotësuar çdo kërkesë të tijën. Mësohet se ka mbetur vetëm 1 klauzolë në lidhje me çështjet financiare për t’u dakordësuar dhe më pas Mici do të jetë sërish lojtar i Kukësit.