Mici në qendër të merkatos, por i pavendosur

Gledi Mici është një nga lojtarët më të kërkuar të momentit në Kategorinë Superiores. Disa ekipe kërkojnë që të marrin shërbimet e tij, duke përfshirë Partizanin, Skënderbeun, Flamurtarin por edhe Kukësi dëshiron që ta ketë pjesë të planeve për sezonin e ardhshëm.

Pas dy ditësh atij i përfundon kontrata me verilindorët, që do të thotë se ai nuk do të jetë më pjesë e tyre juridikisht, ndërsa do të presë dhe do të vendosë që të bëjë zgjedhjen më të mirë për të ardhmen.

Fieraku ndodhet mes disa dilemave, por që edhe largimi nga Shqipëria është një mundësi. Edhe pse e bëjnë fakt firmën e tij te Partizani, burime informative pranë futbollistit bëjnë me dije se ai është duke u larguar nga vendi, që ka shumë gjasa të ndodhë, ndaj nuk ka zgjedhur se ku do të luajë sezonin e ardhshëm.