Leo Messi po shijon në maksimum suksesin e Botërorit teksa ngriti lart trofeun e lavdishëm që e kërkonte prej dy dekadash. Më në fund ia doli dhe nga ana e arritjeve, ai nuk ka se çfarë të bëj më tepër teksa ka fituar çdo trofe për të cilin ka garuar.
Në një intervistë së fundmi si kampion bote, dhënë nga Parisi për median argjentinase ‘Urbana Play‘, Lionel Messi i kushton disa fjalë të veçanta legjendës Maradona.
“Do të doja që Maradona të më kishte dorëzuar Kupën, do të ishte një foto e bukur. Por nga atje lart si ai dhe shumë njerëz që më donin mua më dhanë kaq shumë forcë. Kënga e fansave tanë, e cila më vonë u bë himni ynë dhe të gjithë e kënduan në Kupën e Botës, na shtyu për të dhënë maksimumin dhe Diego e bëri gjithashtu nga vendi ku është.”- u shpreh Messi.
