Raundi i tretë eliminator i Europa League ka zvogëluar dhe numrin e shqiptarëve që marrin pjesë në këtë kompeticion. Eliminimi i Kukësit dhe skuadrave të tjera ka bërë që përqindja e kuqezinjve të bjerë ndjeshëm, gjithsesi ata do të na përfaqësojnë në sfidat e sotme.
Sokol Cikalleshi
Saktësisht, pesë ndeshje mbeten për t’u ndjekur me vëmendje. Duke nisur nga sfida Lokomotiv Zagreb – Vorskla Poltava, e cila në përbërje të saj ka 4 lojtarë shqiptarë. Eros Grezda, Endri Çekiçi dhe Herdi prenda, të cilët do të jenë përballë mbrojtësit Ardin Dallku që luan për Vorsklan. Sfida do të nisë të luhet në orën 19:00
Sokol Cikalleshi sot do të ndeshet kundër Rijekës, por që nuk do të ketë përballë as Bekim Balajn e as Odise Roshin që u aktivizuan sezonin e fundit te ky ekip. Istanbul Basaksehir është skuadra e tij, ndërsa sfidën e parë e luan në Turqi sot në orën 19:30.
Vlen për t’u përmendur sfida që nis në orën 20:45 mes Aberdeen dhe Maribor. Në skuadrën kroate, Maribor, aktivizohet sulmuesi kuqezi Valon Ahmedi. Ndërsa Andi Lila pritet që të jetë në fushë me PAS Janinën sot në orën 20:45, në sfidën që do të luhet në Holandë dhe do të kenë përballë AZ Alkamar.
Loading ...
Leave a Reply
Për të postuar një koment, duhet të jeni i futur.