Nijas Lena është i ftuar në emisionin “Rubrika Sportive” në TVSH. Mesfushori i Kukësit zbuloi se pse nuk luajti si titullar në ndeshjen me Laçin, ku verilindorët fituan me rezultatin 2-1. Ai tregoi se së bashku me trajnerin Gjoka kishin vendosur që të ishte i freskët për Partizanin, ndaj duhet ta niste kundër kurbinasve si zëvendësues.
“Nuk luajta si titullar pasi së bashku me trajnerin vendosëm që të isha më i freskët për ndeshjen vendimtare kundër Partizanit. Por, pasi pamë që Laçi na vuri në vështirësi u mendua që të futesha pjesën e dytë si zëvendësues për të dhënë kontributin tim”, deklaroi ai.