Merkato e ashpër, Dervishi fiton duelin e radhës me Partizanin

Teksa nuk ka mbetur shumë kohë nga mbyllja e kësaj merkatoje verore, shumë skuadra janë në garë për afrimin e disa lojtarëve cilësorë, kryesisht nga tregu vendas. Ditën e djeshme Kukësi zyrtarizoi si përforcimin e radhës Albi Koldashin, 19-vjeçarin që ka dalë nga akademia e Tiranës.

Për Koldashin mësohet të ketë qenë i interesuar dhe Partizani, por drejtori Dervishi i Kukësit ka fituar edhe një herë duelin e radhës, pas atij të Gledi Micit, duke arritur të mundë konkurrencën e të kuqve. Koldashi luan në mesfushë si organizator dhe premton shumë për të ardhmen.