Memushaj pret shqiptarin e Seria A te Pescara

Shqiptari Rey Manaj do të largohet nga Inter, por pritet që të qëndrojë përsëri në Seria A. Shumë skuadra janë të interesuara për të gjatë kësaj merkatoje verore për sulmuesin e talentuar të Kombëtares Shqiptare. Ai po kërkohet nga skuadra të ndryshme nga Bundesliga dhe La Liga, por sipas lajmeve që qarkullojnë, Manaj pritet që edhe sezonin e ardhshëm të qëndrojë në Seria A. Skuadra që kërkon me ngulm shërbimet e tij është Pescara, ekip me të cilin luan edhe shqiptari tjetër Ledian Memushaj. Pescara ka kërkuar gjithashtu edhe shërbimet e qendërmbrojtësit të përfaqësueses kuqezi, Arlind Ajetit.