Pavarësisht zërave të shtuar ditën e djeshme për një kthim të mundshëm të mesfushorit për të luajtur ndeshjen e play-offit me skuadrën e Pescarës stafi teknik i Kombëtares Shqiptare e ka hedhur kategorikisht poshtë këtë mundësi. Do të ishte jologjike për sa kohë na ndajnë vetëm 48 orë nga starti i Europianit dhe ku përqëndrimi i lojtarëve në fazën stërvitore duhet të jetë maksimal.
[caption id="attachment_490" align="alignright" width="500"]
Ledian Memushaj gjatë aktivizimit me Pescaran[/caption]
Për vetë rëndësinë që kishte për skuadrën e Pescarës aktivizimi i Memushajt në ndeshjen e parë ,lojtarit iu bë një tolerim për tiu bashkuar me vonesë grupit të futbollistëve në Francë. Por në momentin që ndeshja e dytë e "play-off" për Pescaran luhet mbrëmjen e të enjtes një natë para startit të Europianit një udhëtim i tillë do të ishte i dëmshëm për performancën e lojtarit me Kombëtaren Shqiptare. Lojtari duhet të jetë i gatshëm për ndeshjen e së shtunës kundër Zvicrës pasi me shumë mundësi ai do të jetë titullar në formacionin e De Biassit. Ndërkohë që skuadra e mesfushorit e ka pothuajse të garantuar kalimin në Seria A sezonin e ardhshëm.
Lexo gjithashtu
