Paulo Dybala është emri më i përfolur në prag të kësaj merkatoje vere. Sulmuesi argjentinas do të luajë ndeshjen e fundit me “Zonjën e Vjetër” për të nisur një aventurë të re. Edhe pse ofertat në drejtim të tij s’kanë munguar, ai ka preferuar të qëndrojë në Itali.
Siç raporton “Corriere della Sera”, Dybala ka arritur marrëveshjen në parim me Interin. Madje zbulohen edhe detajet e marrëveshjes ku bëhet e ditur që do të marrë një pagë që shkon rreth 6 milionë euro në vit. Edhe pse pati aludime për një transferim të mundshëm të tij në Romë, duket se e ardhmja e tij do të jetë pikërisht Interi.