Mediat serbe e kanë marrë me vonesë lajmin për refuzimin e ankesës së Federatës së Futbollit të Serbisë nga Gjykata e Arbitrazhit Sportiv, e cila konfirmoi vendimin e UEFA-s për pranimin e Federatës së Futbollit të Kosovës.
Ata kanë paraqitur në mënyrë reale këtë herë vendimine CAS-it, duke u pajtuar me të.
Njëra nga to, “Veçernje Novosti” e ka quajtur humbje të radhës së Serbisë.
“Humbje e radhës e Serbisë: CAS refuzon kërkesën e FSS, Kosova mbetet në UEFA”, është titulli i kësaj gazete, raporton Gazeta Olle.
“Humbje në Lozanë”, është titulli i Blic. “Lajm humbës për futbollin serb. Kosova mbetet në UEFA, Cas refuzon ankesën e FSS”, shkruan Kurir.
“Tani është e kryer. Gjykata Sportive konfirmon pranimin e Kosovës në UEFA”, shkruan “danas”
Titujt tjerë janë thuajse të ngjashëm: “Cas refuzon ankesën e FSS, Kosova mbetet në UEFA”.
Lexo gjithashtu
