Mbrojtësi i Tiranës optimist: Jemi për titull, 9 pikë janë të arritshme

David Domgjoni ka folur për mikrofonin e Supersport nga Antalia e Turqisë, ku klubi bardheblu po zhvillon një fazë përgatitore. Qendërmbrojtësi 19-vjeçar është shprehur optimist për dy fazat e ardhshme, madje e sheh skuadrën e tij si rivale për titull kampion, pasi sipas tij 9 pikë janë më se të arritshme.

“Është një rreshtim i ri por jo i vështirë. Jemi ambjentuar dhe këtë e kemi treguar edhe në ndeshjen miqësore.

E dimë që Tirana është një ekip i madh dhe çdo lojtar ka shanset e veta, ashtu si unë. Këtë e vendos stafi drejtues.

E vështirë nuk është sepse jemi vetëm 9 pikë larg vendit të parë. Do të përpiqemi të marrim maksimumin në çdo ndeshje dhe në fund të kampionatit do të bëjmë llogaritë.”