Partizani ka nisur të dielën fazën përgatitore në Itali, ku në fakt nuk ka shkuar i plotë. Dy mesfushorë, Mentor Mazrekaj dhe Asion Daja, e kanë braktisur atë dhe nuk kanë udhëtuar me grupin, pasi kanë probleme me klubin. Madje, njëri është shumë i rëndësishëm. Bëhet fjalë për Mentor Mazrekajn, i cili gjatë fazës së dytë të sezonit që shkoi ka munguar për shkak dëmtimi. Ai ka debatuar me tone shumë të larta me drejtuesit e Partizanit, për shkak se është kthyer natën vonë në rezidencën e ekipit, dhe mund të jetë në prag “divorci” me të kuqtë. Vetë lojtari nuk ka dhënë ansjë deklaratë për mediet dhe rikthimi i tij është në pikëpyetje të madhe. Për Dajën situata është më ndryshe. Ai nuk po arrin akordin financiar me klubin e kuq, pavarësisht se thuhet se është i angazhuar me provime. Për të ka pasur disa oferta nga klube të tjera të Superligës, që e kanë vënë në mendime për vazhdimin me Partizanin.
