Mario Balotelli do të largohet nga Monza. Sulmuesi italian ishte një nga afrimet e bujshme të skuadrës së Berlusconit në Serie B, por pas vetmë një sezoni, Balotelli do të largohet për të nisur një tjetër aventurë.
Nicolo Schira, eksperti i merkatos në Itali zbulon se 30-vjeçari ka marrë një ofertë nga Adana Demirspor, skuadra që u ngjit këtë sezon në Superligën turke. Kontratë deri në 2023 dhe pagë 2 milionë euro në sezon për Balotellin dhe duket se palët janë shumë afër.
Lajmi është konfirmuar edhe nga presidenti i klubit, Sanca për mediat turke. "Jemi në bisedime me Balotellin dhe brenda disa ditësh do të jetë në Turqi. Ne do të përpiqemi të arrijmë një akord me të pasi edhe ai ka shprehur dëshirën për të firmosur. "e 85% kjo marrëveshje është e mbyllur", u shpreh Sancak, presidenti i Adana Demirspor.
Lexo gjithashtu
