Mbrëmjen e djeshme u fol se kapiteni i Kukësit do të rikthehej te Partizani, madje tifozët e kuq e bënin fakt të kryer këtë gjë. Megjithatë, Renato Malota është duke kaluar momente të mira si kapiten te verilindorët, duke qenë se është i katërti vit radhazi që mbron ngjyrat e asaj fanelle dhe se ka ngritur së fundmi edhe një trofe.
Përpos arsyeve, të cilat janë të shumta rreth kapitenit të Kukësit, vet lojtari ka folur në lidhje me situatën e tij për Partizanin. Ai ka mohuar çdo fakt që mund ta çojë atë te skuadra nga ku doli si futbollist, ndërsa pranon se nuk ka asgjë konkrete mes palëve.
I kontaktuar nga “neësport.al”, Malota është përgjigjur: “Nuk e di se çfarë shkruhet në media, por unë pohoj se mes meje dhe Partizanit nuk ka asgjë konkrete”, duke lënë të hapur çdo alternativë përsa iu përket çështjeve menaxheriale, të cilat mund ta dërgojnë një lojtar sa andej-këtej.
Lexo gjithashtu
