Historia që ai shkroi me Kombëtaren e Shqipërisë ka bërë që trajneri italian të marrë vëmendje të gjera nga ekipe të ndryshme në Europë dhe jo vetëm. 60-vjeçari Gianni De Biasi, i cili ka afërsisht pesë vite në drejtimin e kuqezinjve tashmë duket më i lëkundur se kurrë për t’u larguar.
Sipa “La Gazzetta dello Sport”, tekniku i kuqezinjve përflitet se do të marrë drejtimin e Ukrainës, pasi Andriy Schevchenko nuk është ende gati ta drejtojë skuadrën e vendit të tij. Ukraina e kërkon këtë trajner për të mundësuar kualifikimin në Borërorin e “Rusi 2018”.
Media më e madhe sportive në Itali shton se veç ofertës tunduese ukrainase, ka klube kineze, gjermane, angleze dhe zvicerane që duan një bashkëpunim me teknikun italian. Ndaj, ai është ende i dyzuar për qëndrimin ose largimin nga stoli i Kombëtares së Shqipërisë.
