Luftëtari ka ndjekur strategji pozitive për të ardhmen, por që për të tashmen duket se nuk do t'iu njoftojë gjirokastritëve për të siguruar qëndrimin në elitën e futbollit shqiptar. Disa rinovime kontratash dhe pak afrime të bëra gjatë ditëve të fundit, por që duket qartë që nuk mjaftojnë për përfaqësimin në edicionin e ri të Superiores që do të startojë më 7 shtator.
Lluka, Abazaj, Deni, Ruçi dhe Zdrava janë lojtarët që i janë bashkuar kontingjentit të ekipit bluzi në merkaton e verës, ndërsa nuk ka të tjerë emra me peshë që do të veshin fanellën e Luftëtarit. Kjo i tremb të gjithë për sezonin e ri futbollistik, madje dhe lojtarët që ka në përbërje kjo skuadër, të cilët duket se e kanë humbur besimin ende pa nisur kampionati se mund të qëndrojnë në Superiore.
Te Luftëtari prej disa javësh janë në pritje të katër lojtarëve të huaj, por që ende nuk po duken në horizont. Megjithatë, ka edhe 10 ditë kohë deri në mbylljen e afatit kalimtar të merkatos së verës, e cila iu jep shpresë bluzinjve për t'u përforcuar.
Lexo gjithashtu
