Elseid Hysaj ishte kthyer në një çështje te skuadra e Napolit për aktivizimin e pakët që kur trajneri Ançelotti mori drejtimin e skuadrës. Ishte agjenti i lojtari i cili pati një takim me trajnerin në lidhje me mbrojtësin dhe Ançelotti i konfirmoi se Hysaj është pjesë e rëndësishme e skuadrës.
Në ndeshjen e djeshme në Kupë ndaj Sasuolës, mbrojtësi shkodran e nisi si titullar. Pas ndeshjes numri një i pankinës napoletane foli për paraqitjen e lojtarit të Kombëtares.
"Hysaj bëri një ndeshje përgjithësisht të mirë mbrëmë, pati dhe gabime. Mendoj që situata e tij është menaxhuar mirë. Gjatë një sezoni mund të ketë ulje dhe ngritje. Kam folur me të dhe ai është shprehur se dëshiron të qëndrojë këtu. Ne kemi respekt për të, ai dhe agjenti i tij mendoj se janë të qetë në tani", u shpreh Ançelotti
