Talenti 21-vjeçar i Shqipërisë Emanuele Ndoj duket se është kthyer në një lojtar të padiskutueshëm te Brescia në Itali.
Këtë gjë e konfirmojnë edhe deklaratat më të fundit të presidentit të klubit në Serinë B, Masimo Kelino, i cili ka deklaruar së fundmi se Ndoj është një lojtar me të ardhme të madhe.
“Është një futbollist i ri që po rritet dhe do të bëjë shumë në të ardhmen. Ka aftësi dhe cilësi shumë të mira. Së bashku me të do të rritet dhe Brescia”, ishin fjalët e presidentit, duke lënë të kuptohet se do të jetë për një kohë të gjatë pjesë e ekipit.