Shqipëria po kalon ditë të vështira për shkak të virusit “Covid 19” që ka paralizuar gjithë botën. Shumë aktivitete janë pezulluar, ndërsa një pjesë e mirë e njerëzve kanë dalë të papunë.
Pikërisht për t’i ardhur në ndihmë atyre që kanë nevoja jetike, ka menduar Sindikata e Futbollistëve Profesionistë. Ata i kanë ardhur në ndihmë lojtarëve në nevojë dhe lajmin e bëjnë me dije përmes një postimi në kanalin zyrtar.
“Sindikata e futbollistëve shqiptar filloi sot aksionin për të ndihmuar futbollistet në nevojë në ketë kohë të veshtirë të pandemisë”, shkruajnë ata, ndërsa e shoqërojnë edhe me një thënie të famshme të Nënë Terezës: “Jo të gjithë ne mund të bëjmë gjëra të mëdha. Por ne të gjithë mund të bëjmë gjëra të vogla me dashuri të madhe”.