Detaje të reja janë zbuluar nga banda kriminale shqiptaro-spanjolle që vodhën pak ditë më parë vilën e yllit të Paris Saint-Germain, Marco Verratti.
Përpos vilës së këtij të fundit, grupi ia kishte “vënë syrin” edhe vilës së Lionel Messit e Rafael Nadal. Sipas “The Sun” Polica kishte gjetur prova në shtëpinë e njërit prej autorëv, ku në një fletore mbante shënim emrat e pronarëve të shtëpive ku do të kryenin grabitje.
Javën e kaluar Policia konfirmoi se kishte arrestuar shtatë të dyshuar pas bastisjes që kishte ndodhur në vilën, në Ibiza të ish-lojtarit brazilian Ronaldo, të cilën Verratti e kishte marrë me qira për pushimet e tij verore.
Hajdutët kishin arritur që të merrnin 3 milionë euro, bizhuteri dhe orë të shtrenjta, të cilët u sekuestruan nga Policia, gjatë një operacioni ku ranë në pranga dy nga autorët e grabitjes.
Ditën e sotme mediet lokale në Ibiza publikuan një shkrim ku thuhet se e njëjta bandë kishte pikasur edhe vilat e Messit, Nadal, Gutit, Fernando Hierro dhe ish-kryeministrit spanjoll, Jose Maria Aznar. Ndërkohë autoritetet ende nuk kanë reaguar në lidhje me këtë lajm.
Lexo gjithashtu
