Pak ditë më parë ka hyrë në fuqi ligji për ata tifozë që hyjnë në fushë. Lidhur me këtë ka folur edhe Sekretari i Përgjithshëm, Ilir Shulku i cili për “Supersport” u shpreh se tashmë jemi në një epokë të re në futbollin shqiptar. Gjithashtu Shulku foli edhe për heqjen e barrierave në stadium në mënyrë që tifozët të shikojnë ndeshjen në mënyrë më të mirë.
“Është një epokë e re në futboll, tifozët duhet të ndërgjesohen dhe të gjithë duhet të ndihmojnë. Nuk do të ketë më dënime në mënyrë kolektive, do të ketë dënime penale dhe klubet duhet të punojnë në këtë aspekt. Ne nuk duam të ketë dënime të tilla, por tifozët duhet të ndërgjegjësohen dhe kush shkel ligjin do të dënohet.
Për të qenë realist boshatisja e stadiumeve nuk ka qenë një gjë që Federata ka dashur. Disiplina ka dhënë gjoba për ekipet dhe dënimet kolektive kanë qenë të fundit. Në duam të penalizojmë atë grup që shkakton incidente në stadium. Me ligjin e ri besoj se do të ketë më pak gjeste të tilla në futboll.
Vendimet e Disiplinës kanë qenë të shkallëzuara, mendoj që është momenti që njërzit që kanë dhunuar kanë marrë masat si individuale. Shpresoj që të kemi sa më pak incidente të tilla në stadiume. Në raste të veçanta Federata ka qenë vetëm, ne kemi pasur bashkëpunime nga policia dhe klubet. Në disa klube mardhënia tifozë-klub nuk ka qenë e mirë dhe kjo është parë në stadiume. Ne kemi gjykuar që Shqipëria nuk i ka kushtet që policia të mos jetë në stadiume. Shpresojmë që vendosja e ligjit të japi efekt dhe njerzit të ndërgjegjësohen pasi nëse i thyejnë rregullat do të shkojnë në burg”.
Stadiumet pa hekura? “Mendoj se mund të ketë edhe stadiume pa hekura në Shqipëri. Kampionati anglez ka qenë më i dhunshmi në Europë dhe tani është më i bukuri për shkak se ka vendosur ligje. Këto gjëra do të vijnë gradualisht pasi nuk mund të heqim barrierat direkt sapo vendosëm ligjin. Nëse Takaj apo kushdo president tjetër do të heqin hekurat është një gjë e mirë. Nëse tifozët janë ndërgjegjësuar atëherë mund të heqim barrierat, por duhet ende kohë për këtë gjë”.
Miratimi i ligjit të sportit? “Kjo është në proces dhe vendimi është shtyrë disi për pak kohë edhe pse ishte për në tetor. Deri tani nuk rrezikon asnjë klub nga licensimi dhe nuk ka ardhur asnjë vendim nga FIFA pasi ky është një tjetër proces.
