Pas akuzave të rënda në media të ish-portierit Leka ndaj Iridion Bahitit në median e shkruar, ky i fundit përgjigjet në faqen zyrtare të klubit si administrator i saj, por edhe si një personazh publik në rrethin e Librazhdit. Bahiti i lidh akuzat edhe me polotikën, ndërsa kërkon që ta çojë çështjen në gjykatë dhe që të ardhurat e përfituara nga gjyqi, ti çojë në shërbim të zhvillimit të grupmoshave të Sopotit.
Me vjen vërtet keq që deklarata të tilla keqinformojnë publikun. Vetëm këtu në Shqiperi shikoj që lojtarët kërkojnë të bëjnë apo të flasin për punët që nuk ju takojnë, e jo të shikojnë anën e tyre profesionale.
Të riut Leka i mungon disiplina sportive e shoqërore dhe shembujt për këtë janë plot. Kujtojmë kohën e shkurtër që kaloi me ekipin e Pogradecit dhe të Domosdovss ku të gjithë e dinë që nuk la një shije të mirë në këto dy qytete dhe në ekipet e tyre, pa përmendur aventurat me ekipin Sopoti që e ka braktisur 3 herë rresht në mes të kampionatit, pavarësisht dashamirësisë sime që ta ndihmoja duke e rikthyer sa here sërishë për të kapërcyer momentet e tij të vështira nga një ves shumë i keq, që e ka bërë të padëshiruar për shoqërinë e tij dhe për ata që e njohin.
Unë e kuptoj qartë që është një sulm i pastër politik për të degraduar figurën time.
Prandaj kam vendosur të ndjek anën ligjore, ku do depozitoj nëpërmjet avokatit tim padinë për shpifje të shtetasit Ferbjol Leka në gazetën "Panorama Sport".
Ndërsa këtij të fundit i ngelet të mbaj fjalën për të vërtetuar akuzat e tij në Gjykatë, në të kundërt duhet të përballet me pasojat e dëmtimit të imazhit të një personi publik me qëllim prishjen e karrierës së tij.
Ku nga ana ime do kërkohet dëmshpërblim monetar, vlerë të cilën do e kontribojë të gjithën për grupmoshat e KF Sopoti", thotë Bahiti në deklaratën e tij.
Lexo gjithashtu
