Legjenda e Interit Beppe Bergomi ka treguar se Milan do ishte fitues i merituar nëse arrin të sigurojë Scudetton për këtë sezon. Milani ndodhet 2 pikë para Interit dhe kryeson prej katër javëve Seria A, duke pasur dhe një rekord më të mirë në përballjet direkte me zikaltërit. Duke folur për mediat italiane, ish- mbrojtësi i Interit Beppe Bergomi e pranoi se lojtarët e Stefano Piolit do e meritonin titullin nëse e fitonin pas dy ndeshjesh.
“Milan do e fitonte me meritë. Nga të tre klubet e para, ata ishin më solidët. Milan është në formë të mirë, gjërat po shkojnë si duhet sepse ato i bëjnë gjërat të shkojnë ashtu. Dhe u pa ndaj Fiorentinës së tifozët i udhëhiqnin”, u shpreh ai. Dy javë nga fundi, gjithçka është e ndezur për fitimin e kampionatit italian në sezonin 2021/22.
Loading ...
