I larguari Sukaj, falënderon Partizanin dhe “thumbon” Skënderbeun

Xhevahir Sukaj, ish-sulmuesi i Partizanit ka shkruar në profilin e tij në facebook duke falënderuar klubin e kuq për gjithçka që i ka dhënë në sezonin që u mbyll. Bomberi shkodran ka reaguar për dëminimin më të fundit të Skënderbeut ku thekson, që herëat a vonë doli në shesh e vërteta se pse “demat” nuk arritën të triumfojnë. Gjithashtu ai premton një rikthim në të ardhmen në ekipin 15-herë Kampion i Shqipërisë.
“Dua të bëj një falënderim për klubin “Partizani”, për drejtuesit dhe tifozët. Ishte një vit i shkëlqyer në çdo lloj aspekti. Ndjej keqardhje vetëm për faktin që nuk dolëm kampion. Pavarësisht se ne e merituam, dhe kjo u vërtetua edhe së fundmi. Partizanit i uroj suksese nesër në ndeshjen e kthimit në UEFA dhe shpresoj që në sezonin e ardhshëm Partizani të arrijë te titulli kampion të cilin tifozët e zjarrtë e meritojnë. Faleminderit për të gjitha. Shpresoj se do të rikthehem një ditë“, shkruan sulmuesi shkodran.