Vllaznia do të luajë ndaj Siroki Brijeg në orën 21.00, në kuadër të takimit të dytë të turit të parë të Conference League. Shkodranët janë mposhtur 3-1 në ndeshjen e parë, ndaj sot në Loro Boriçi do synohet përmbysja.
Klubi shkodran ka bërë një postim tejet të rëndësishëm pak më parë, ku njofton se tifozët boshnjak nuk do lejohen në stadium, duke respektuar kështu vendimin e Komitetit Ekzekutiv të UEFA. Kështu, kjo është një lloj “hakmarrje”, pasi në takimin e luajtur në Bosnjë, nuk janë lejuar tifozët e ekipit shqiptar.
“Klubi Futbollit Vllaznia njofton të gjithë tifozët boshnjak se, sipas vendimit të Komitetit Ekzekutiv të UEFA-s nuk do të lejohen të futen në Stadiumin “Loro Boriçi”. Në çdo rast rojet e sigurisë do të kryejnë shoqërimin e tyre jashtë mjediseve të stadiumit. Duke shpresuar në mirëkuptinin e tifozave miq, Klubi Futbollit Vllaznia mbetet i vendosur në respektimin e të gjitha rregullave të përcaktuara nga UEFA” – shkruan Klubi.
