Skënderbeu po shfrytëzon maksimalisht kohën e lirë në dispozicion përpara përballjes së të dielës me Kastriotin në Krujë.
Tekniku Orges Shehi ka vendosur që sot të testojë gjendjen e plotë fizike, teknike dhe psikologjike në një test miqësor me Pogradecin. Takimi do të zhvillohet në fushën bardhekuqve në orën 17:00.
Shehi në këtë mënyrë do të vëhzgojë dhe gjendjen e lojtarëve të rinj si dhe rezervave për të parë se kë do të përdorë si kartë në ndeshjen e ardhshme. Lajmi është dhënë nga klubi korccar në faqen e ti në "Facebook".
Kampionët e Shqipërisë vijnë me moral të lartë pasi triumfuan në një betejë të paepur me Partizanin të premten e kaluar.
"Ndeshje miqësore! Sot, ora 17:00 në Stadiumin 'Skënderbeu' do të zhvillohet takimi miqësor ndaj Pogradecit. Drejtuesit e klubit kanë programuar në momentin e fundit një test në dispozicion të trajnerit Orges Shehi, i cili do të ketë mundësinë të provojë në kushte loje lojtarët që kanë pasur më pak minuta në dispozicion dhe lojtarët e ardhur së fundmi në provë."
Lexo gjithashtu
