Mirosllav Vujadinoviç ka folur për vendimin më të fundit të klubit të Korabit, i cili e ka pezulluar atë për tolerim në ndeshje të ndryshme të Superiores. Portieri malajzez është shprehur mjaft i indinjuar me këtë situatë, teksa deklaron që e ka çuar çështjen në gjyq. Ai është i bindur t'i shkojë deri në fund kësaj çështje, pasi asnjë nuk mund të përbaltë emrin e tij.
"Vllaznia dhe Shkodra janë dy gjëra që kanë mbetur si pjesë e rëndësishme e jetë sime, megjithatë në futboll asnjëherë nuk kam luajtur me ndjenjat. Kudo ku kam luajtur jam munduar të bëj më të mirën. Akuza që kam toleruar në ndeshjen ndaj Vllaznisë, ndonëse nuk kam qenë pjesë e Korabit në këtë takim janë qesharake. Unë kam angazhuar avokatët e mi dhe Federatën Malazeze të Futbollit. Unë do ta ndjek këtë çështje dhe do ta çoj në gjyq për prishje të imazhit tim. Kam luajtur 7 vite në Shqipëri dhe asnjëherë emri im nuk është lakuar për gjëra të tilla sepse kam dhënë gjithnjë maksimumin dhe kam luajtur me ndershmëri, prandaj nuk mund të lejoj kurrsesi që një drejtues i Korabit të përbaltë emrin dhe figurën time", ka përfunduar Vujadinoviç.
Lexo gjithashtu
