Të premten, Partizani do të luajë në transfertë ndeshjen e parë të këtij edicioni futbollistik kundër Skënderbeut. Dy skuadra, thuajse tërësisht të rinovuara do të tentojnë një rezultat pozitiv. Përkrah 15-herë kampionëve të Shqipërisë do të udhëtojnë edhe tifozët “Ultras-Guerrils”, që do të mbështesin të kuqtë në rrugën e gjatë të këtij sezoni.
“Lufta” mes këtyre dy ekipeve ka qenë e madhe si në fushën e blertë, por edhe në shkallët e tribunave. Tifozët e kuq kanë provokuar disa ditë para takimit, duke e etiketuar ekipin korçar me fjalën: “Trukimet”. Sigurisht, kjo pritet të lërë shije të hidhur edhe te tifozët bardhekuq të cilët do të jenë të shumtë në shkallët e stadiumit “Skënderbeu”.
Ndeshja mes Skënderbeut dhe Partizanit do të luhet të premten, në orën 19:45.
Loading ...
