Në ditën e dytë të vizitave mjekësore, në klinikën "Paideia", ku kryen të gjitha vizitat ekipi roman, janë paraqitur disa futbollistë, mes tyre edhe portieri i ri shqiptar. Eddy Onazi,Milinkovic-Saviç, Franjo Prçe, Thomas Strakosha, Chris Oikonomidis, Dusan Basta, Filip Djordjevic, Wesley Hoedt dhe përgatitësi i portierëve Adalberto Grigioni, u janë nënshtruar kontrolleve mjekësore, që kanë kaluar me sukses. Kështu, portieri shqiptar, i cili sezonin e fundit ishte huazuar te Salernitana në Serinë B, është bashkuar me Lacion. Mbetet për t'u parë, nëse portieri i Kombëtares U-21 do të qëndrojë te Lacio, apo klubi italian do ta huazojë sërish për t'i dhënë mundësinë të aktivizohet rregullisht në fushë. Te Lacio është edhe portieri i Kombëtares, Etrit Berisha, i cili me shumë mundësi do të largohet.
Lexo gjithashtu
