Elseid Hysaj ka dalë në konferencë për shtyp ku ka folur para ndeshjes me Italinë. Mbrojtësi i djathtë i kombëtares shqiptare është i bindur se kuqezinjtë do të marrin një rezultat pozitiv përballë "Axurrëve". Hysaj foli për stadiumin, atmosferën dhe mungesat në skuadër. Nërkohë shkodrani deklaroi:
"Do të jetë një ndeshje e bukur si për ne ashtu edhe për italianët. Mund të marrim rezultat pozitiv, thjesht duhet të jemi më të kujdesshëm në mbrojtje. Stadiumi është shumë i bukur dhe shpresojmë të mbështetemi edhe nga tifozët. Ne i dimë vlerat e Italisë, pasi i njohëm lojtarët e Italisë, e dimë se ku luajnë.
Ne jemi të përgatitur, i kemi marrë masat për këtë sfidë. Janë edhe 6 ndeshje edhe nuk i dihet kurrë se si do të shkojë deri në fund të këtij kompeticioni. Besoj se do të bëjmë më të mirën në fushë. Mungesa kemi pasur edhe në ndeshjet më përpara. Besoj se do të shkojmë për një rezultat pozitiv dhe nuk themi që do të humbim apo barazojmë.
Për mua është një kënaqësi që 23-vjeç jam në Kombëtare. Besoj se të gjithë çunat do të japin maksimumin", ka përfunduar Elseid Hysaj.
