Katar 2022
Felipe Moreira u largua nga Kukësi më datë 28 dhjetor, ndërsa për newsport.al deklaroi se ai ishte në kontratë me klubin verilindor dhe se nuk ishte paguar prej muajsh.
Sipas mesfushorit brazilian nuk kishte konsensus për largimin mes tij dhe presidentit Safet Gjici dhe se ky i fundit nuk i kishte dhënë arsye për largimin.
Por, ditën e sotme, klubi i Kukësit përmes faqes zyrtare në Facebook i ka bërë një thirrje publike futbollistit në fjalë se duhet të paraqitet në Antalia ku skuadra po kryen përgatitjet, brenda datës 18 janar. Në të kundërt, klubi i Kukësit do ta konsiderojë zgjidhje të njëanshme të kontratës nga ana e Moreirës.
