Nesër, Partizani do të luajë në transfertë kundër Apolonisë, ndeshje e vlefshme për javën e katërt të Superiores. Kjo sfidë do të zhvillohet në oren 13:45, ndërsa të kuqtë janë të grumbulluar para këtij takimi. Pritej që në këtë ndeshje të ishte nga minuta e parë, Jasir Asani, mirëpo trajneri Daja ka preferuar të mos e përfshijë mëngjërashin.
Vetëm një seancë stërvitore s’është e mjaftueshme për të qenë në fushë ndaj fierakëve dhe për të kaluar plotësisht dëmtimin në kofshë, tekniku kryeqytetas e ka lënë pushim lojtarin nga Maqedonia e Veriut. Newsport.al mëson se në këtë ndeshje do të jete William Cordiero Melo i cili do ta nisë nga stoli. Trajneri Daja ka kërkuar impenjim maksimal nga ekipi i tij për t’iu shmangur ndonjë surprize të mundshme në “Loni Papuçiu” të Fierit. /Newsport.al/
Loading ...
