Bledar Sinella foli pas ndeshjes me Partizanin, ku Laçi u mund me rezultatin 0-1. Trajneri i Lacit deklaroi për mikrofonin e Supersport:
"Një pjesë e parë e dobët, një pjesë e dytë që u munduam të ndryshonim diçka. Megjithatë ne patëm rastin tonë. Duhet të kishim marrë një pikë në këtë ndeshje. Duhet t'i marrim ndeshjet një nga një. Unë nuk besoj shumë te fati. Duhet t'i bëjmë hyzmetin lojës. Vazhdojmë të humbim raste pafund.
Nuk kishte shpirt gare për ta fituar ndeshjen. Siç duket lojtarët e kishin fituar ndeshjen në tavolinë, pasi në fushë ishin dobët. Megjithatë duhet thënë që Partizani është një kockë e fortë. Kemi treguar që dimë të marrim pikë edhe me skuadra të forta, edhe jashtë fushe. Nuk mbaroi sot gjithçka. Një ndeshje e dobët nuk mund të hedhë poshtë një punë kolosale që është bërë nga skuadra", përfundoi Bledar Sinella.
Lexo gjithashtu
