Ministria e Kulturës, Rinisë dhe Sporteve, nuk ka kërkuar leje për ndërtimin e stadiumit e Prishtinës.
Ministria e Mjedisit dhe e Planifikimit Hapësinor (MMPH), nuk ka pranuar kërkesë nga Ministria e Kulturës, Rinisë dhe Sporteve (MKRS) për dhënie të lejes së ndërtimit për stadiumin e qytetit të Prishtinës.
Në MMPH thonë se MKRS-së i është sqaruar e gjithë procedura për marrje të lejes së ndërtimit. Nga ana e MMPH-së thuhet se “MKRS-ja nuk ka reflektuar në drejtim të përmbushjes së kërkesave ligjore”.
Stadiumi i Prishtinës ka muaj që ka nisur të rinovohet, por së fundi zyrtarë të MKRS-së kanë lënë të kuptohet se rinovimi do të zgjasë më shumë sesa është planifikuar për shkak të lejes së re që duhet të nxjerrë nga MMPH-ja.
Në fakt, MKRS-ja kishte marrë leje për rinovim të stadiumit, por pas përfshirjes së rekomandimeve të UEFA-s në planin fillestar, ajo leje nuk vlente më. Duhet një leje tjetër – një për ndërtim, meqë do të preket edhe struktura e stadiumit.
Loading ...
