Partizani ka nisur përgatitjet për ndeshjen me Laçin që do të luhet të dielën në orën 14:00, në stadiumin e kurbinasve. Sot, të kuqtë janë ndeshur me një surprizë speciale teksa disa përfaqësues të “Caritasit shqiptar” kanë vizituar nga afër ekipin. Përmes një postimi në uebsajtin zyrtar, klubi i kuq shkruante:
“Përpara fillimit të seancës stërvitore skuadra është vizituar nga disa tifozë special. Një përfaqësi e Shoqatës “Caritasi Shqiptar” një qendër ditore “Jeta në Zhvillim” ku persona me aftësi te kufizuara marrin shërbim multidisiplinar me qëllimin final punësimin e tyre, kanë vizituar nga afër skuadrën e kuqe. Një takim emocionues për ta , pasi për të parën herë kanë takuar nga afër idhujt e tyre të cilët i mbështesin nga shkallët e stadiumit. Në fund ata kanë pozuar edhe një foto kujtim me stafin dhe skuadrën. Më pas ekipi ka vijuar normalisht seancën e programuar ku të gjithë lojtarët janë vënë nën urdhrat e trainerit Starova”.
Loading ...
