Gugash Magani nuk ka pranuar të prononcohet për mikrofonin e Supersport. Trajneri i skuadrës vlonjate në shenjë proteste për mos transmetimin e ndeshjes, ka refuzuar intervistën. Këtë e ka deklaruar gazetari i Supersport, Elvis Rexha, i cili theksoi që drejtuesve të Flamurtarit iu bë e ditur nga delegati i takimit, Denis Bastari, që do të kishte masë ndëshkimore për këtë veprim, por përsëri ata nuk pranuan.
Një rast i rrallë ky, kur skuadra nuk pranon që të prononcohet në një televizon sportiv. Kujtojmë që ndeshja ndërmjet Flamurtarit dhe Teutës nuk është transmetuar e plotë për shkak të një problemi teknik dhe ka përfunduar me rezultatin 0-0.