Kombëtarja shqiptare do të luajë mbrëmjen e sotme kundër Maqedonisë në kuadër të eliminatoreve të botërorit "Rusi 2018". Burime të policisë kanë konfirmuar për newsport.al që kanë arritur në Shkodër 200 tifozë maqedonas. Akoma nuk është vendosur nëse do të qëndrojnë apo do të ikin, por gjasat janë që ata të futen në "Loro Boriçi". Në Shkodër ndodhet edhe zëvendës drejtori i përgjithshëm i policisë, Altin Qato, i cili drejton operacionin për rendin dhe sigurinë.
Përsa i përket vendosjes së tifozëve maqedonas në stadium nuk ka ndonjë përcaktim të saktë, por po punohet që ata të jenë të veçuar nga tifozët shqiptarë në mënyrë që të mos ketë ndonjë konflikt të mundshëm.
Poll
