Lajmi i fundit/ E kërkoi Monaco për 300 mijë euro, talenti i Skënderbeut përfundon në Gjermani

Agim Zeka është emri më i përfolur në kampin korçar. Për talentin e Skënderbeut u tha që kishte një ofertë nga Monaco për 300 mijë euro, megjithatë kalimi i tij në Francë nuk u realizua. Sot, sulmuesi 18-vjeçar është shfaqur në një avion ku po udhëton drejt Gjermanisë.

Nuk dihet nëse ai është larguar në kuadër të pushimeve apo për t’u provuar në ndonjë skuadër. Megjithatë duhet thënë që në datë 5 janar do të nisë grumbullimi i lojtarëve në ekipet e Superiores. Deri atëherë duhet të presim për të mësuar nëse Zeka do të qëndrojë në Shqipëri apo do të vijojë aventurën futbollistike në ndonjë skuadër europiane.