Lajmi i fundit/ Alarm te Partizani, Kaleb Ekuban përfundon në spital

Sot, Partizani do të luajë kundër Kukësit në kuadër të javës së 32-të të Superiores. Një lajm i fundit vjen tashmë nga kampi i kuq, teksa mësohet se Kaleb Ekuban ka alarmuar stafin teknik. Sulmuesi më në formë i Partizanit ka shfaqur shqetësime, si pasojë e virozave të stinës. Ai është detyruar të shkojë në spital për të bërë serume, në mënyrë që të arrijë të jetë gati deri në orën 19:00.

Ende nuk dihet përfundimisht nëse Ekuban do të jetë i gatshëm për Starovën, megjithatë gazetari i Supersport Erald Kodheli njoftoi se në momentin e fundit do të vendosej për italo-ganezin. Në të kundërt nga minuta e parë do ta nisë Xhevahir Sukaj.