Skuadra e Partizanit do të udhëtojë e plotë drejt Rusisë për t’u ndeshur me Krasnodarin në play-off të Europa League.
Dy futbollistët kosovarë, Labinot Ibrahimi dhe Ylber Ramadani, janë pajisur me viza në Ambasadën e Rusisë në Beograd.
Partizani aplikoi në Beograd për vizat e dy futbollistëve, pas sugjerimeve të marra nga Federata Ruse e Futbollit.
Tashmë ka marrë fund një nga temat më të nxehta të diskutimeve në ditët e fundit, që kishte arritur të vinte edhe në diskutim zhvillimin e ndeshjes pasi Partizani mund të bojkotonte takimin.