Kurbinasit e mbyllën kampionatin e shkuar në pozicion të papërshtatshëm, duke mos arritur të hyjnë në Europa League as nëpërmjet Kupës së Shqipërisë, pasi u mundën në finale nga Kukësi me 11-metërsh. Lojtarët kryesorë të skuadrës janë pa kontrata, por ata nuk pretendohet të lihen të lirë të ikin nga kurbinasit.
Pashk Laska, presidenti i Laçit
Presidenti Pashk Laska këtë javë do të bëjë fillimisht mbledhje me stafin dhe më pas të thërrasë një nga një dhe futbollistët bazë të ekipit, duke siguruar firmat e tyre për sezonin e ardhshëm. Brenda ditëve në vijim do të ketë zhvillime të reja, ndërsa nuk do të jetë çudi të shohim pothuajse të njëjtën skuadër si një vit më parë, sepse edhe lojtarët nuk kanë dëshirë të largohen. Shumë prej tyre kanë luajtur prej vitesh në Laç ndaj e ndiejnë veten të natyralizuar me atë qytet dhe me atë tifozeri.
Loading ...
Leave a Reply
You must be logged in to post a comment.