Erion Hoxhallari u detyrua të largohej nga grumbullimi i Kombëtares për shkak se rezultoi të ishte prekur nga COVID-19. Mbrojtësi i linjës së majtë nuk mundi të ishte pjesë e kuqezinjve për dy sfidat ndaj Hungarisë që u fitua nga tanët 1-0 dhe ndaj Polonisë, ku u mposhtëm minimalisht.
Megjithatë ka lajme të mira për mëngjërashin teksa mësohet se tashmë ai është shëruar dhe do të jetë gati për skuadrën e Tiranës. Kujtojmë që bardheblutë do të përballen këtë fundjavë kundër Teutës së Durrësit në kuadër të javës së pestë të Superiores. Pritet me interes të shihet nëse ai do të jetë ose jo në fushë, apo do ta nisë atë takim nga stoli.
Loading ...
