Kurbinasit nuk kthehen në shtëpi, ekipi i Laçit ka “ngecur” në Pogradec që nga dita e shtunë

Pas përfundimit të takimit ditën e shtunë, ku Laçi humbi me rezultatin 1-0 në Korçë, skuadra e trajnerit Bledar Sinella ka ndaluar në Pogradec.

Duket që Laçi e ka “harruar” humbjen në kampionat dhe e gjithë vëmendja është përqëndruar te Kupa e Shqipërisë. Bëhet e ditur se skuadra nuk është kthyer në shtëpi për shkak se në mesjavë ka një ndeshje tjetër përballë Skënderbeut e vlefshme për Kupën e Shqipërisë.

Pas atij barazimi 1-1, kurbinasit kanë shpresa dhe duan që të fitojnë ndeshjen e vlefshme për Kupë. Kujtojmë që Laçi ka 33 javë pa fituar një ndeshje në Korçë, por ata janë të vendosur dhe nuk dorëzohen.