Kukësi me sytë nga Greqia, pret brazilianin për zhvillimin e testeve

Kukësi së fundmi po mendon për afrimin e një mesfushori, i cili është me origjinë braziliane dhe luan aktualisht tek Ergotelis në Greqi. Bëhet fjalë për Elton Kale, që është vënë në qendër të vëmendjes për tu testuar nga verilindorët.

Ai është 28 vjeç, më parë ai ka luajtur dhe në ligën e dytë portugeze, ndërkohë që ka provuar dhe një eksperiencë në Rusi.

Pritet që shumë shpejt ai të mbërrijë në Shqipëri për të zhvilluar testet e detyrueshme për të parë më pas nëse do të jetë pjesë e listës së afrimeve tek Kukësi.