Skuadra e Kukësit ka zhvilluar seancën e radhës stërvitore në kuadër të përgatitjeve për fazën e tretë të Superiores. Seanca e paradites qenë e karakterit fizik, ku lojtarët kanë bërë vrapime të shumta dhe ushtrime të alternuara. Përmes një njoftimi në faqen zyrtare klubi kuksian bën me dije që:
“Skuadra e F.K. Kukësit ka përfunduar stërvitjen e paradites. Ekipi nën drejtimin e stafit teknik ka nisur stërvitjen në orën 10:00, në kodrat e Liqenit. Seanca ka qenë e një karakteri fizik me vrapime të shumta dhe ushtrime të alternuara.
Grupi i lojtarëve e ka marrë të plotë ngarkesën fizike, ndërkohë që pasdite në orën 16:00 do t’i drejtohet edhe seancës së dytë në kompleksin sportiv “Internacional”, në Pezë. Nesër skuadra do të niset drejt Antalias për të nisur fazën përgatitore”, përfundon njoftimi i verilindorëve.
