Kukësi bën pjesëmarrjen historike, verilindorët me rivalë të frikshëm në Champions League

Në pjesëmarrjen historike të kampionëve të rinj të Shqipërisë në këtë turne, shorti nuk do të jetë aspak i lehtë. Përkundrazi, kundërshtarët që skuadra e Ernest Gjokës do të ketë përballë, janë të frikshëm.

Celtic, kampione e Skocisë; apo ndoshta edhe austriakët e Salzburg, danezët e Copenhagen dhe bullgarët e Ludogorets. Këta janë vetëm disa prej rivalëve që Kukësi pritet të ketë përballë në turin e dytë kualifikues të Champions League.

Kukësi penalizohet nga koeficienti i ulët 4.550, sipas përllogaritjeve të UEFA-s për klube dhe aktualisht pozicionohet në vendin e 21-të, nga 29 skuadra që hyjnë në këtë fazë, të cilave u shtohen edhe 5 ekipet e kualifikuara nga turi i parë.