Dion Gallapeni po luan momentalisht i huazuar te Wisla Plock, në elitën e futbollit polak. Kartoni i tij zotërohet nga Widzew Lodz, që po lufton për mbijetesë, por “divorci” përfundimtar me shqiptarin mund të vijë gjatë verës.
Burime për media raportojnë se për 21-vjeçarin nga Suhareka ka interesim të fortë në Serie A. Atalanta dhe Bologna janë gati që të paguajnë miliona euro, për ta bërë të tyrin Gallapenin, i cili këtë sezon ka shkëlqyer me dy ekipet polake që është aktivizuar.
Vlera e mbrojtësit të majtë është momentalisht 2.5 milionë euro. Por, për ta lënë të lirë, Widzew Lodz pritet t’u kërkojë italianëve dyfishin e kësaj shume, që do të thotë 5 milionë euro.
Kujtojmë se Gallapeni është një lojtar i dalë rishtazi nga skuadra e Prishtinës. Ai u shit nga “bardheblutë” e Superligës së Kosovës në verën e vitit 2025, për një shumë prej 250 mijë eurosh.
Lexo gjithashtu
