Korabi përgatitet për Laçin, Haxhiu vëzhgon nga afër prurjet e reja dhe premton afrime të tjera

Sot, në orën 16:00 ekipi i Korabit ka zhvilluar stërvitjen e radhës në “Pezë Helmës”. Stërvitja është drejtuar nga trajneri Gerd Haxhiu, i cili ka parë nga afër gjendjen e lojtarëve për të kuptuar nëse ka ndonjë problem përpara se kampionati të nisë.

Në stërvitje ka qenë i pranishëm edhe afrimi më i ri, Ardit Hoxhaj, i cili është vënë në urdhrat e trajnerit pak ditë më parë. Kjo ka qenë stërvitja e parë që Hoxhaj ka zhvilluar së bashku me ekipin.

Ndërkohë që pjesë e ekipit në stërvitjen e sotme kanë qenë dhe lojtarët e tjerë që ende janë në provë. Për Korabin merkatoja nuk ka mbaruar, pasi drejtuesit e klubit janë në pritje të afrimeve të reja në ekip për të cilët nuk bëhet asgjë e ditur.