Para ndeshjeve kundër Sllovakisë, ka folur për mediat dhe lojtari i Kombëtares U-21, Rei Manaj. Manaj ka mbajtur një konferencë për mediat, ku ka thënë se Kombëtarja Shpresa ka ndeshje më të rëndësishme se Kombëtarja A, e cila do të luajë miqësore.
"Besoj se kanë ndryshuar pak gjëra që nga koha e fundit që kam qenë me Shpresat, por duam të marrim rezultate dhe 2-3 lojtarë që ndryshojnë nuk do të thotë asgjë, ashtu si edhe mungesat.
Fillimisht jam ftuar nga U-21. Pak ndryshime ka mes U-21 dhe A. Këtu kemi ndeshje të rëndësishme ndërsa ekipi A ka miqësore", shpjegoi ai.
Përgjegjësi më shumë? Përgjegjësi do kenë të gjithë lojtarët, por duhet të jap një stimul që të luaj më mirë. Dua të jem i përqendruar te loja dhe nuk jam nën presion.
Kartoni i verdhë me Granadën? Kisha 4 të verdha dhe këtë ndeshje dihet që s'do luaja. E verdha ndodhi aksidentalisht dhe kur të kthehem s'kam kartona për të shlyer", - u shpreh Manaj.
Lexo gjithashtu
